preskoči na sadržaj

Login
Korisnik:
Lozinka:
Svadba

Išli sme sikud, ali z starijima. Peručehe su bile, lupitve, harmunika je bila i tancale se. Tam su se znali upoznati dečki i cure. Ali se nisu sastajali. Dečke je prve dekle dal jabuku dok su išli k meši. To je bila božićnica. No, bez roditelja nije bile nič. Negda su im roditelji znali braniti. Nije bile toga da bi mladi pobegli. Znali su se poskrivečki sastajati, a ak su starci to saznali, morali su prekinuti. Kak su starci rekli, tak je bile. I to u roku par meseci.  Ak je dečke bil za ženiti, došel je v snuboke na večer  s nekim starešim. V snabokima su pitali koj iščeju i koj dajeju.  Negda je dekla dobila v zamuš svoju obleku, deset hiljada. Znale se da dekla mora dobiti selbu:  kravu, posteljinu (deset plahti ili dvajst ak su bili bogateši, ručnike),  svoju rubeninu, 5 ili 10 hiljada i zemlje.

Če je dekla štijela, za par meseci su se ženili. Tek onda su se mogli sastajati, ali ne bez starejših.

Z svadbu kitice su se kupile, bil je to nekakav umjetni cvijet. Ružmarin je uvek bil. Rekli su da mladenka i mladenec ne smiju imati ružmarin, nego samo kiticu, da detetu ne bi  z zub smrdele.

Bili su 2 prvi muški svati, 3 svački sa krenclinicami, mladenec i mladenka, podsnuš, dever i 6 mužikaši.  Dever je bil glavni. On je vodil svadbu.

Moj muž je bil  v svadbi gdje je  dever imal obavezu,  kad su došli k mladenki doma, dogovoriti se i dobiti na pismeno koj mladenka treba dobiti. Tražili su još nekakvu zemlju. Nigdar zemlju nisu zeli, ali su morali mladenkini napismeno mladencu dati zemlju. To je bil kapric jer su mladenku negde vidli da se s nekim vozila na motoru. I kad su došli svatovi u mladenkino dvorište, svirali su prvu pjesmu nekakvu mrtvečku. To joj je bila kazna. Dever, moj muž, je to moral riješiti. A bile mu je teške, ali je to bila njegova dužnost kao devera.

Dever je sakoga svata posebno nazdravil. Svati su morali zahvaliti. Digel bi se i  rekel: " Cijela svadbena svita, oko stola ovita, ko ružmarinska kita, čul sam lijepu riječ što se tiče mene i moje krancfrajlice. Nemam zlata niti srebra da mu dam neg mu čašu podignem - živili." Čak se znal i vučiti zahvalnice da ne bu furt iste.

Podsnuš je bila deverova pratilja. To je bila većinom firmanska kuma, nigdar ni bila deverova žena. Dever je bil po mladencu a podsnuš po mladenki. Dever i podsnuš su za mladenku potpisivali. Ili svati. Ni bile kumov.

Svački su imali dužnost nositi tacnu s tortom od mladenke do mladenca doma.

Kad se došlo doma k mladenke, zaprlo se mladu iza vrata. Svati su prvi došli. Probaju nagovoriti domaćine da se vrata otvore. Če nisu uspeli, moral je dever iti. Znutra su pitali ima li koga legitimnoga ko bi mladu sprosil. "Hvaljen Isus i Marija" - triput je rekel dever. Tek  onda su vrata otvorili. "Čuli smo da imate lijepi cvijet. Naš cvijet ne bi bez vašega mogel cvasti."  

Domaćini su nudili kranclinice ili druge dekle, dever je odbijal. Na kraju je japica domaći ponudil mladenku. I tak su našli svaki svojega - mladenec i kranclini.

Znali su reći da mlada mladenca treba prek prstena pogledati.

Prije neg bi svati z mladu prešli od hiže, znalo je dijete čitati oproštajnu pjesmicu. Te bi curice dobile novce od svatova. Onda je bilo napijanje. Malo se posviralo. Pozdravilo se, popilo i išlo dalje.

Za to vrijeme se skupilo puno ljudi tzv. tancuši. Cijelo selo. Onda su oni platili mužiki da bi tancali. Klape su se znale posvaditi ak je neko tancal na tuđu rundu. Dever je moral regulirati svadbu. Tancuši bi radi  tancali cijelu svadbu, a i svadba je htela tancati.

Prije se za svadbu davalo posuđe, beštek, garniture posude, ručniki, plahte, stolnjake, a penezi nikad. Jedine kad se dar zbiral i to prije nek je venčec dole išel. Dever je najavil zbiranje dara - do je kolike mogel, dal je mladenke peneze v krilo.

Kad se venček skidal, mužikaši su igrali: "Jaj, jaj, venček moj, dugo sam te prosila, malo sam te nosila!" , mladenka im je zasipala penez. Oni su to pobirali. 

Oprava se dala zašiti posebno za snehu. Kad se ona preslijekla v tu opravu,  mužika je samo za mladence svirala prvi ples kao muža i ženu.

Onda su svatovi nabacali smeća, slame. Snaha je to s metlom morala počistiti, a onda i muž.

Za jelo je morala biti kokošja juha. Onda je išel rijestani krumpier i hren. Zatim štruklji, sarma, kraflini, gibanica. Negdar nije bilo torte nego kugliv. Kuglivi su bili na stolu i čekali kak denes torta. Rezali su se dok se venček snel. Kolačov nije bilo .

Mačkari su bili domaći ljudi koji nisu bili pozvani na svadbu.Dolazili su, ali se to moralo prije dogovoriti s mladencem, jer su se mačkari znali i potući. Mačkari teri su došli, morali su se obavezno deveru otkriti, inače ih nisu puštali nutre. Dever je bil odgovoran za njih. Mačkari su znali čitati pismo, želje izreći. Ali na šaljiv način. Nisu se podsmehievali. Znali su i nekakav dar donesti, zamotan vu papire. Svi su mladencima želeli pune zdravlja i puno dece. Negde se znale dozvoliti da tancaju z svatima i mladencima, ali uglavnom ne. Morali su dobiti odobrenje. Jer su se znali i tući ak bi  došla pijana klapa. Svačega je bilo. Jednome su nos odsekli, sva je mladenka bila krvava.

 

Svadba je trajala po 2 dana. Kad je svadba na kraju došla do mladenca dime, na njive kre dvorišča, kam se mlada prvo dopeljala, bilo je napijanje. Svadba se okupila pa je dever nazdravljal:

"Stigli smo na rodnu grudu milih i dragih naših mladenaca, da bi im bilo lakše u novoj kući, da bi žena sretno rodila, da bi zemlja  koju budu natapali svojim znojem bolje rodila..." Spila se čaša vina i morala se razbiti. Ili, ako je to bilo v dvorišču, mlada je trebala hititi čašu prek krova hiže. Ak ju nije prijek hitila, to nije bil dober znak.

Poklam  svadbe na prvu nedelju su bili   zadnjići ili prvići. Došli su mladenkini roditelji i familija i to se proslavilo, ali bez mužike. U tih prvih osam dana mladenka nije smjela ići u goste v roditeljski dom. Ali iza toga je duge trajale da se išle nedeljom v goste mladenkinima. Pogotove kad su se deca rodila.

Nekad su svadbe doma bile, u sobi.

Harmonika je bila u siromašnijim svadbama, a imućniji su imali pleh glazbu.

 


Pošalji prijatelju Pošalji prijatelju

Zlatarske Iskrice

Jelovnik


Nova anketa
Za što se najviše koristiš pametnim telefonom (mobitelom)?









Podrška darovitima


Tražilica



Poveznice
Zlatar na međumrežju


Blagdani i pravopis


Korisni likovi





preskoči na navigaciju