Čim je netko hmr v selu, i ljudi su za te čuli, svi su se mam skupili i ponudili pomoć. Odredilo se gdo bu koj (kopanje groba, nošenje križa, nošenje lijesa…) i to su na karminama bili najcjenjeniji gosti. Doma su se od jelovine vijenci pleli. Za kola su se četiri  venčeka napravila.

Crkveni zvon je zvonil na stran 3 puta na dan. 

Kad je čovek hmrl, oblijekel se i del v spavaću sobu na  skolke na krevetu de je vmrli spal. Mrtvec je bil na skolka dok se lijes delal.  Kad je bilo vruće pod skolke se del metalni hamper i nutre voda i lanc.

Navijek  je kre mrtveca bil stolek. Na njemu je bile raspele, blagoslovljena voda i  svijeća gorijela v kupice..

Bile bdijenje noć ili dvije se dok je mrtvec doma bil. Žene su molile krunicu, a muški su znali kartati  šnaps i belu. Susedi i prijatelji su cijele  noći bili uz tu familiju.

Uz mrtveca  v lijes se dele one koj je htel imeti. Znali su mu deti vina ili rakije, karte če se rad kartal. Na sklopljeni rukami je bila krunica.

Susedi su donosili hranu. Stol se napravil, servirali su se tanijeri. Jeden se tanijer obrnul  naopak i polak dijela svijeća.  I uz to je moral biti prazen stolec.

Kad je sprovud krenul, prve su išli križi. Če  je muški hmrl išle je 6 križa, a kad je ženska vmrla bila su 4 križa. Onda su išli muži, pa mlade babe kaj su nosile vijence, za tijem raspele jene i druge, pa mužika če je familija bila bogatejša. Pop je išel pred koli. Če je bil dukši put, pop  se vojzil na koli ili je čakal pri cirkve. Kraj mrtvečkih  koli išli su četiri muži teri su ga nosili na grob. Iza lijesa je išla familija  i na kraju stare babe.